Kryeministri Edi Rama dhe ish-kryetari historik i PS Fatos Nano kanë zhvilluar një takim kokë më kokë mes tyre. Takimi që ka zgjatur rreth dy orë është zhvilluar në qytetin e Durrësit, në vilën qeveritare.
Mësohet se takimi nisi rreth orës 17.30 sipas raportimeve. Nuk dihet se cili ka qenë fokusi i këtij takimi mes lideri aktual të PS dhe liderit historik, që në të shkuarën kanë pasur përlasje të forta mes tyre.
Por siç është shprehur Rama, së fundi mësohet se ata kanë normalizuar marrëdhëniet mes tyre.
Takimi Rama-Nano vjen në një kohë kur përplasjet mes PS-Lsi janë ashpërsuar ndjeshëm gjatë fushatës për zgjedhjet e 25 Qershorit./a.m.
