Marrëdhëniet Shteteve të Bashkuara dhe shteteve të Perëndimit janë tensionuar skajshëm me Rusinë lidhur me situatën në Siri dhe sulmin që u bë në fundjavë. SHBA-ja dhe aleatët e saj, Britania e Madhe dhe Franca, ndërmorën sulme ajrore kundër bazave ushtarake siriane, duke hedhur më shumë se 100 raketa.Këto sulme pasuan përdorimin e armëve kimike nga regjimi i Assadit ndaj civilëve në Douma, ku mbetën të vrarë dhjetëra civilë, në mesin e tyre edhe shumë fëmijë.Por, sa është e rrezikuar Kosova dhe rajoni nga agjendat e Moskës?
Në rastin e Republikës së Kosovës, nga një ndikim i tillë kërcënohen figurat më të rëndësishme shtetërore, veçmas tri pozitat më të lartë: Presidenti, Kryetari i Kuvendit dhe Kryeministri, kanë bërë të ditur për Rubikon burime nga institucionet vendore dhe ndërkombëtare të sigurisë.
Sipas këtyre burimeve, Ministria e Punëve të Brendshme serbe dhe Shërbimi i Sigurisë së Federatës ruse kanë hartuar një marrëveshje bashkëpunimi në mes të këtyre dy shërbimeve.
Marrëveshja e hartuar ishte nënshkruar më 23 maj 2017, nga ministri i Punëve të Brendshme i Serbisë, Nebojsha Stefanoviq dhe Drejtori i FSO, Dimitri Viktoroviq Kuçnev.
Nënshkrimi i marrëveshjes me një shërbim të fshehtë siç është FSO dhe pikat kryesore të marrëveshjes rrisin dyshimet në lidhje me këtë marrëveshje.
Të dhëna të besueshme nga partnerë ndërkombëtarë thonë se FSO është shërbimi kryesor që kryen sulme nga më të ndryshmet: helmime, rrezatime dhe forma të tjera të sulmeve – kryesisht nga larg. Fokusi i tyre janë personat e rëndësisë së veçantë.
Duke marrë parasysh marrëveshjen në mes MUP-it dhe FSO-së, rrezik i veçantë i paraqitet vendit ku mund të operojë FSO.Nga Maja e Pançiqit në Kopaonik, Serbi, ka mundësi të larta rrezatimi.Pavarësisht se marrëveshja serbo-ruse mund të mos zyrtarizohet asnjëherë, ajo mund të zbatohet pa asnjë problem. Madje, nëse zyrtarëve të Qendrës Humanitare Ruso-Serbe në Nish iu jepet imuniteti diplomatik, atëherë veprimi i tyre konsiderohet fare i lehtë.
FSO është një nga shërbimet më të fshehta ruse dhe si pasojë e kësaj, opinioni publik në Rusi nuk di pothuajse asgjë për aktivitetet e tyre, përgatiti Koha. (b.an)
