Një imam i “pazakontë” është përjashtuar nga Bashkësia Islame e Kosovës, pasi ka fyer shqiptarët, kurse femrat shqiptare i ka quajtur “lavire”. Irfan Salihu, imami i xhamisë “Suzi Qelebiu” në Prizren, në ligjëratat e tij ka ngjallur zemërim tek popullsia vendase.
Sipas tij “Në Kosovë gjatë vitit 1445 kanë qenë vetëm një për qind shqiptarë, kurse turqit i kanë sjellë shqiptarët në Kosovë dhe më pastaj u kanë dhënë toka atyre”. Këtë deklaratë ai e bëri para xhematit të tij në Prizren.
Sot, Myftiu Naim Tërnava, në bazë të nenit 47.1. mbështetur edhe me nenin 45.1 dhe 45.3 të Kushtetutës së Bashkësisë Islame të Republikës së Kosovës, ka marë vendimin për pezullimin e imamit Salihu, i cili veç të tjerash, ka fyer rëndë edhe femrat shqiptare, duke i quajtur “lavire”.
