27-vjeçarja, Angela Primachenko, e cila jeton në Uashington të Shteteve të Bashkuara të Amerikës ka lindur vajzën e saj, Eve ndërkohë që është e infektuar me COVID-19. Në javën e 33-të të shtatzënisë, gjendja e saj shëndetësore u përkeqësua dhe ajo u fut në terapi intensive dhe më pas kaloi në koma.
Por ndodhi mkrekullia. Teksa gjendja e saj shëndetësore ishte e rëdnuar, ajo lindi vajzën e saj, Ava, e cila rezultoi negative me koronavirus. Por, nënë e bijë duhet të qëndrojnë larg njëra-tjetrës për pak kohë.
“Binjakja ime jo vetëm që i mbijetoi koronavirusit, por arriti edhe që të sillte në jetë vajzën ndërkohë që ishte në koma farmakologjike. E di, askush nga ne nuk e shpjegon dot se si ndodhi kjo, por ja që mrekullia ndodhi”, shkroi motra binjake e Angela.
Ndërsa vetë 27-vjeçarja është shprehur: “Dola nga spitali pas 7 ditësh aty, 10 ditësh në respirator dhe 1000 lutjeve. Është shumë bukur të jesh në shtëpi sërish!”
Në fund të muajit mars, motra e saj binjake kishte nisur një mbledhje fondesh për të përballuar shpenzimet spitalore, duke grumbulluar rreth 50 000 dollarë. Angela dhe bashkëshorti i saj janë tregtarë të vegjël dhe sigurimi shëndetësor i tyre nuk arrinte të përballonte shtrimin në terapi intensive.
g.kosovari
