1588- Vdes Paolo Veronese, një nga piktorët më të rëndësishëm të shkollës Veneciane në shekullin e 16-të.
1882- Vdes natyralisti anglez Charles Robert Darwin, autor i teorisë së evolucionit të gjallesave, botuar në librin “Origjina e specieve nga përzgjedhja natyrore”.
1967- Vdes shtetari gjerman Konrad Adenauer, një nga themeluesit dhe udhëheqësit e Bashkimit Demokristian (CDU) pas Luftës së Dytë Botërore, Kancelar i Gjermanisë Perëndimore nga 1949 deri në 1963.
2002-Vdes antropologu, shkencëtari dhe studiuesi norvegjez Thor Heyerdal, i cili u bë i famshëm kur kaloi Paqësorin në trapin Kon-Tiki në 1947. Ai dha shpirt në vilën e tij në Itali.
2005- Josef Ratzinger, një kardinal gjerman 78-vjeçar, zgjidhet Papa i ri, pasardhësi i Gjon Palit II. Ratzinger mori emrin Benedict XVI. Papati i tij zgjati deri në fund të Shkurtit 2013, kur ai u tërhoq vullnetarisht.
2013- Kryeministrat e Serbisë dhe Kosovës, Ivica Daçiç dhe Hashim Thaçi, nënshkruan një marrëveshje në Bruksel mbi normalizimin e marrëdhënieve midis Beogradit dhe Prishtinës, në prani të Përfaqësueses së Lartë të Bashkimit Evropian, Catherine Ashton. BETA
