1473 – Lindi shkencëtari polak Nikolla Kopernik, krijues i sistemit heliocentrik dhe themelues i astronomisë moderne. Mësimi i tij ishte në kundërshtim me mësimet e Kishës që e pretendonte Tokën si qendra e botës. Kjo është arsyeja pse shumë prej pasuesve të tij kanë vdekur si viktima të inkuizicionit katolik. Në 1616, Kisha Katolike ndaloi të gjitha veprat që bazoheshin në mësimet e Kopernikut. Ndalimi i tij u hoq në vitin 1757.
1951 – Vdiq shkrimtari francez Andre Zhid (Gide), një nga figurat më kontroverse dhe me ndikim të letërsisë franceze të shekullit të 20-të. Novelist, eseist, kritik, fitues i Çmimit Nobel për Letërsi në vitin 1947, kurse në vitin 1952 puna e tij e ka gjetur veten në listën e librave të ndaluar të Vatikanit.
1952 -Vdiq shkrimtari norvegjez Knut Hamsun, fitues i Çmimit Nobel për Letërsi në vitin 1920. Gjatë Luftës së Dytë Botërore, si një simpatizant i Quisling-ut (Kuisling) dhe Gjermanisë naziste, ai e ka humbur popullaritetin dhe lexuesit e tij ia kthyen librat me postë. Pas luftës, tashmë shumë i vjetër, u dënua me një gjobë të rëndë për bashkëpunimin me okupatorin.
1997 – Vdiq burri i shtetit kinez Deng Xiaoping, Ten Hsiao Pin, i cili konsiderohej si lideri i vërtetë kinez që nga viti 1978 udhëhoqi vendin në reformat politike dhe ekonomike. Ai u tërhoq nga pushteti në vitin 1990, por deri në vdekje ai pati një ndikim vendimtar në Kinën pas periudhës së Maos. (b.an)
