Policia ka identifikuar dhe shpallur në kërkim autorët e dyshuar të vjedhjes së banesës së Skënder Xhanit 55-vjeç në datë 7 maj, i cili është kunati i deputetit socialist Bashkim Fino. Policia njofton se pas provave të grumbulluara janë identifikuar dhe shpallur në kërkim tre autorët e dyshuar, 15, 19 dhe 29-vjeç, të tre banues në Librazhd. Për arsye hetimore nuk publikohen gjeneralitetet e tyre.
Tre të rinjtë në bashkëpunim me njëri- tjetrin kanë vjedhur me thyerje banesën e Xhanit duke marrë një sasi parash që sipas burimeve të Report Tv është 1.5 mln lekë dhe disa bizhuteri. Biznesmeni Skënder Xhani në momentin e grabitjes që ka qenë në mesditë, nuk ka qenë në shtëpi. Kjo është grabitja e dytë që regjistrohet në Librazhd brenda pak ditëve, pasi u vodh edhe banesa e mjekut gjinekolog, Kujtim Albrahimi./ i.h
