Kapet një shtetas i shpallur në kërkim për veprën penale ” Vrasje me dashje në lidhje me një krim tjetër” mbetur në tentativë kryer në bashkëpunim.
Me datë 23.06.2016 , në bazë të informacioneve të siguruara në rrugë operative dhe falë një pune të mirëorganizuar nga Sektori për Krimet e Rënda në Drejtorinë Vendore të Policisë Lezhë , bënë të mundur kapjen e personit në kërkim:
Petrit (Xhemis ) Nikolli, 36 vjeç, banues në fshatin Xhuxhë Mirditë.
Ky shtetas u kap në zonën e Fanit në Mirditë.
Gjykata e Rrethit Gjyqësor Lezhë me datë 08.09.2015 ka vendosur masën e sigurisë ” Arrest në burg” për veprën penale të kryer në Greqi ” Vrasje me dashje në lidhje me një krim tjetër ” në bashkëpunim e mbetur në tentativë parashikuar nga nenet 77-22-25 të Kodit Penal.
Materialet procedurale do t’i referohen Prokurorisë së Rrethit Gjyqësor Lezhë për veprime të mëtejshme./a.m.
