Sergeto Turullaj dhe Edmond Mamushaj janë vënë në prangat e policisë së Tiranës të dënuar për veprat penale kundër jetës dhe pronës.
Sipas bluve të Tiranës Turullaj ishte shpallur në kërkim për veprat penale “Vrasja me dashje”, e mbetur në tentativë, “Prodhimi dhe mbajtja pa leje e armëve luftarake dhe municionit”, dhe “Vjedhja e kryer në bashkëpunim.
Kapja dhe ndalimi i tij u bë pasi Gjykata e Rrethit Gjyqësor Tiranë, me vendimin numër 931 datë 05.05.2017, ka caktuar masën e sigurisë “Arrest me burg”, për veprën penale “Vrasja me dashje”, e mbetur në tentativë, “Prodhimi dhe mbajtja pa leje e armëve luftarake dhe municionit”, parashikuar nga nenet 76 – 22, 278/2 të Kodit Penal.
Po ashtu Gjykata e Rrethit Gjyqësor Durrës, me vendimin numër 225 datë 28.04.2017, ka vendosur masën e sigurisë “Arrest me burg”, për veprën penale “Vjedhja e kryer në bashkëpunim”, “Prodhimi dhe mbajtja pa leje e armëve luftarake dhe municionit”, parashikuar nga nenet 134/2, 278/2 të Kodit Penal.
Më datë 15.04.2017, në rrugën “Kongresi i Permetit” shtetasi Sergeto Torullaj në bashkëpunim me shtetasin D. Y., kanë tentuar të vrasin shtetasin L.SH.,
Ndërkohë me datë 26.04.2017 ky shtetas në bashkëpunim dyshohet të ketë vjedhur disa banesa në qytetin e Durrësit.
Gjithashtu nga shërbime e Komisariatit të Policisë nr 2 është bërë shpallja në kërkimi i shtetasit të mësipërm pasi dyshohet të jetë autor i vjedhjeve të 3 banesave në Tiranë.
Në vijim të punës për kapjen e personave të shpallur në kërkim, shërbimet e komisariatit nr 4 kanë kapur shtetasin :
Edmond Mamushi, 41 vjeç, banues në Përmet.
Pasi Gjykata e Rrethit Gjyqësor Përmet, ka caktuar ndaj tij, masën e sigurisë “Arrest në burg”, për veprat penale “Vrasja me paramendim”, e mbetur në tentativë dhe “Prodhimi dhe mbajtja pa leje e armëve luftarake dhe municionit”, për llogari të D.V.P. Gjirokastër.
Më datë 16.10.2016 në Permet për motive hakmarrje ka tentuar të vrasi me armë zjarri shtetasin J.H./ma.me
