Kapet dhe ndalohet dhe Inspektori i 4-tërt i shpallur në kërkim sot për veprën penale “ Shpërdorim detyre”.
Me datë 12.03.2016 , në kuadër të goditjes së informalitetit dhe paligjshmërisë , nga Specialistët e Seksionit të Krimit Ekonomiko – Financiar, në Drejtorinë Vendore të Policisë Lezhë, u finalizua me sukses Operacioni i Koduar “Thunder”.
Në kuader të këtij Operacioni u bë ndalimi si i dyshuar për kryerjen e veprës penale “Shpërdorim detyre” e kryer në bashkëpunim i shtetasit të shpallur në kërkim sot :
- Armando Gjokaj 25 vjeç, banues në Lezhë, me detyrë Inspektor pranë Drejtorisë Rajonale Tatimore Lezhë.
Gjithashtu në Kuadër të këtij operacioni , gjatë paraditës së ditës së sotme, u proçedua në gjendje të lirë shtetasia E.P. për veprën penale “Fshehje e të ardhurave “ si dhe u bë ndalimi i 3 inspektorëve të tjerë të Tatimeve , konkretisht:
- Alma Hasanaj , 30 vjeçe, banuese në Kurbin, me detyrë Inspektore pranë Drejtorise së Hetimit Tatimore Shkoder.
- Nikoll Kalaj , 51 vjeç, banues në Kurbin, me detyrë Inspektor Vlerësimi pranë Drejtorisë Rajonale Tatimore Lezhë.
- Nikolin Radovani 52 vjeç, banues në Shkodër, me detyrë Inspektor pranë Drejtorisë së Hetimit Tatimor Shkodër.
Ndalimi dhe shpallja në kerkim e këtyre shtetasve u krye pasi nga ana e tyre me datë 10.03.2016, kanë ushtruar kontroll në subjektin e shtetases E.P. në lagjen “Besëlidhja” qyteti Lezhë, ku gjatë kontrollit të ushtruar ndër të tjera në zbatim të urdhërit ditor të punës kanë bërë inventarizimin e mallit të këtij subjekti, dhe s’kan bërë konfiskim të plotë të mallrave pa dokumenta tatimore, duke shkelur Ligjin nr. 9920, datë 19.05.2008 “Per proçedurat tatimore në R.SH.”
Pas nje pune operative u ngrit një grup për rikontrollin e subjektit dhe u konstatuan një sasi mallrash të ndryshme të pajustifikuara me dokumenta tatimore, mallra të cilat janë konfiskuar në bashkëpunim me Inspektorët e Drejtorisë Rajonale Tatimore Lezhë.
Materialet do ti kalojne Prokurorisë së Rrethit Gjyqësor Lezhë për hetime të mëtejshme për veprat penlae “Shpërdorim detyre” në bashkëpunim dhe “Fshehje e të ardhurave” parashikuar nga nenet 248 e 25 dhe 180 të Kodit Penal.
