Policia njofton se ditën e premte është arrestuar në Gjermani i akuzuari për kokainën që u kap në Maminas, Arbër Çekaj. Arrestimi i tij eshte bere i mundur nga bashkepunimi mes policise gjermane dhe asaj shqiptare.
Çekaj ishte administrator i firmës ‘Arbi Garden, që kishte porositur ngarkesën me banane, ku u kapën 613 kg kokainë që vinte nga Kolumbia. Ende nuk jane dhene detajet e operacionit qe coi ne arrestimin e tij, por mesohet se ai eshte arrestuar ne nje province prane Dyseldorfit.
Nga Lezha ministri i Brendshem Xhafaj la te kuptohet per dy operacione te rendesishme qe jane ne zhvillim ne Gjermani dhe Spanje, lidhur me emra te njohur te botes se krimit.
NJOFTIMI I POLICISE
Ne kuader te bashkepunimit me agjensite e huaja ligjzbatuese dhe konkretisht ate Gjermane eshte bere e mundur lokalizimi dhe arrestimi i shtetasit Arber Çekaj.
Arber çekaj eshte pronari i firmes Arbi Garden ku u sekuestruan 613 kg kokaine ne kiader te operacionit “last snow”. U shkembye informacion ne kohe rekord midis Policise se Shtetit dhe agjensive te tjera si dhe me Prokurorine e Krimeve te Renda. Ky shtetas eshte kapur ne nje province prane Dysedorfit
HETIMET
Arbër Çekaj, pronari i ngarkesës me banane ku u zbulua 613 kg kokainë, është hetuar edhe rreth 2 vite më parë, si i dyshuar për përfshirjen në trafikimin e kokainës. Sipas burimeve nga Policia e Shtetit, mësohet se në dhjetor të vitit 2015, kompanisë “Arbri Garden” të Arbër Çekajt i janë kapur 90 kilogram kokainë në Ekuador.
Për këtë rast, Policia pati referuar materialet në Prokurorinë e Krimeve të Rënda më datë 22 dhjetor 2015, me numër protokolli 12041 dhe 12041/1. Ndërsa në janar të vitit 2016, pas referimit të materialeve, Çekaj është shoqëruar me iniciativën e Policisë për të dhënë deklarimet në lidhje me këtë rast trafikimi, që në fakt ishte parandaluar që në vendin e origjinës. Megjithatë, hetimet për këtë rast zgjatën vetëm disa muaj dhe më pas çështja mbeti pezull në Prokurorinë e Krimeve të Rënda, ku dosja u arkivua.
Por pas zbulimit të 613 kg kokainë, në magazinat e kompanisë së tij në Maminas, që kësaj here kishte ardhur nga Kolumbia, dosja e dy viteve më parë është hapur duke iu bashkuar procedimit të fundit, për të cilin Arbër Çekaj është shpallur në kërkim.
Cekaj
Për kokainën e kapur disa ditë më parë janë arrestuar menaxheri i kompanisë dhe shoferi. Vetë pronari i ngarkesës me banane, deklaroi disa ditë më parë se do të vinte në Shqipëri që të përballej me drejtësinë, por deri tani ende nuk është kthyer nga Gjermania, ku deklaroi se ndodhej.
ma.me / javanews.al
