Një 24-vjeçar nga Memaliaj u arrestua në Kakavijë pasi rezultonte i shpallur në kërkim për një sërë veprash penale, mes të cilave edhe vrasje e mbetur në tentativë.
Në 31 tetor në Pikën e Kalimit Kufitar Kakavije, në hyrje të Republikës së Shqipërisë u kthye i deportuar, Denis Imeri, 24 vjeç, banues në Memaliaj.
Pas intervistimit dhe verifikimeve të bëra nga punonjësit e policisë në sitemin ‘’TIMS’’, Denis Imeri rezultoi se është person në kërkim.
Vendimet e dhënë ndaj tij nga gjykatat
Gjykata e Rrethit Gjyqësor Durrës, me vendimin penal nr.224, datë 28.04.2017, ka caktuar masën e sigurisë “Arrest me burg” për veprat penale “Prodhim dhe shitje e lëndëve narkotike”, “Vjedhje e kryer në bashkëpunim” dhe “Prodhim dhe mbajtje pa leje të armëve luftarake luftarake dhe municionit”
Gjithashtu, Gjykata e Rrethit Gjyqësor Tiranë me vendim nr.932A, datë 05.05.2017, ka caktuar masën e sigurisë “Arrest me burg” për veprat penale “Vrasje me dashje e mbetur në tentativë” dhe “Prodhim dhe mbajtje pa leje e armëve luftarake dhe municionit”. /b.d
