Ish- deputeti i PD, Klevis Balliu u paraqit sot në gjyq për tubimet, përplasjet me Policinë, si dhe bllokimin e rrugës tek zona e Astirit.
Pas disa muajve më parë, seanca gjyqësore është shtyrë sërish dhe për Balliun kjo bëhet për t’i bërë presion përfaqësuesve të opozitës dhe banorëve që mos flasin. Shkak për shtyrjen është bërë ndryshimi i prokurorit të çështjes.
Teksa akuzonte qeverinë Balliu pas daljes nga gjykata u shpreh gjithashtu se “zgjedhjet po trokasin, dhe të jeni të bindur që do i fitojmë që të largojmë këtë bandë kriminale”.
“Në Gjykata pavarësisht se vjedhjet i bën qeveria, afera korruptive e Unazës doli, në Gjykata mbeten banorët dhe përfaqësuesit e opozitës. Nuk futen në burgje ata që vjedhin, por banorët. Për procesin duhet të pyesni Prokurorinë. Duan të mbajnë në presion banorët dhe opozitën.
Qëllimisht ndërruan prokurorin për të shtyrë seancën. Policia nuk është gjyq apo prokurori, Policia thjesht njoftohet për protestën. Kemi të bëjmë me sistem hajdutërie. Qytetarëve që mos flasin i bëhet presion që do të futen në burg. 2 vite e gjysmë s’ka një të arrestuar për paratë e vjedhura. Ajo çfarë ka rënëdsi është se sistemi i drejtësisë mbron vjedhjen. Mafiozët dhe kjo qeveri hajdute e kapur me presh në dorë. Kemi limite për qytetarët, për median, por jo për qeevrinë. Sa më shumë të limitohet qytetari, aq më pak drejtësi do të ketë.
Zgjedhjet po trokasin, dhe të jeni të bindur që do i fitojmë që të largojmë këtë bandë kriminale.”- tha Balliu.
/e.rr
