Barcelona ka marrë vetëm një pikë në udhëtim te Las Palmas, duke barazuar 1-1.Gara për titullin e Spanjës vazhdon të bëhet më interesant, pas ngecjes së Barcelonës në xhiron e 26.Të besuarit e Ernesto Valverdes morën vetëm një pikë në udhëtim te Las Palmas, pasi barazuan 1-1.
Golin për Barcelonën e shënoi Lionel Messi në pjesën e parë. Argjentinasi realizoi një gol të bukur nga gjuajtja e lirë, kurse barazoi gjithçka në pjesën e dytë nga penalltia Jonathan Calleri.
Me këtë barazim, Barcelona shkon në kuotën e 66 pikëve, pesë më shumë se Atletico Madridi në pozitën e dytë me 61 dhe 15 më shumë se Real Madridi në pozitën e tretë me 51 pikë.
Se a do të rihapet gara për titull apo do të përfundojë gjithçka, do të mësohet të dielën, kur Barça pret në “Camp Nou” rivalin kryesor, Atletico Madridin, përgatiti ”Gazeta Express”. (b.an)
