Vladimir Putin donte që Rusia t’i bashkohej NATO-s, por nuk donte që vendi i tij të kalonte përmes procesit të zakonshëm të aplikimit dhe të qëndronte në linjë “me shumë vende që nuk kanë rëndësi”.
George Robertson, që udhëhoqi NATO-n midis 1999 dhe 2004, tha se Putini e bëri të qartë në takimin e tyre të parë se ai dëshironte që Rusia të ishte pjesë e Evropës Perëndimore.
“Putini tha: ‘Kur do të na ftoni të bashkohemi me NATO-n?’ Dhe [Robertson] tha: ‘Epo, ne nuk i ftojmë njerëzit në bashkohen me NATO-n, ata aplikojnë për t’u bashkuar me NATO-n.” Dhe ai tha: “Epo, ne nuk jemi në linjë me shumë vende të parëndësishme.”
Kujtojmë se Putin i tha David Frost në një intervistë për BBC pak para se ai të inaugurohej për herë të parë si president rus më shumë se 21 vjet më pare, se nuk e përjashtonte anëtarësimin në NATO, shkruan Gazeta SHQIP.
Putin kishte deklaruar se ishte e vështirë për të që ta përfytyronte NATO-n si një armik. “Rusia është pjesë e kulturës evropiane. Dhe nuk mund ta imagjinoj vendin tim të izoluar nga Evropa dhe ajo që ne shpesh e quajmë botën e qytetëruar”.
Sot, armiq
Gjithsesi, qëndrimi i Putin ndaj Perëndimit duket se ka ndryshuar vitet e fundit.
Pas protestave në rrugë të Revolucionit Portokalli në Ukrainë në vitin 2004, Putini u bë gjithnjë e më dyshues ndaj perëndimit, të cilin ai e fajësoi për financimin e OJQ-ve pro-demokratike. Ai u zemërua më tej nga zgjerimi i vazhdueshëm i NATO-s në Evropën Qendrore dhe Lindore: Rumania, Bullgaria, Sllovakia, Sllovenia, Letonia, Estonia dhe Lituania zgjodhën t’i bashkoheshin aleancës në 2004; Kroacia dhe Shqipëria pasuan në 2009. Gjeorgjisë dhe Ukrainës iu premtua anëtarësimi në 2008, por kanë mbetur jashtë.
Shpesh Aleanca e Atlantikut të Veriut (NATO) ka dhënë alarmin se Rusia po ndërhyn fuqishëm në Gadishullin e Ballkanit.
Aleanca e ka drejtuar gishtin ndaj Rusisë për disa çështje shumë të ndjeshme, sa duket se “ëndrra” e hershme e Putin për t’iu bashkuar NATO-s, është e pamundur./ shqip
g.kosovari
