Operacioni Forca e Ligjit është rikthyer në Shijak ku kësaj radhe ka shënjestruar Astrit Keçin dhe Astrit Avdylin (Balliun).
Astrit Balliu është një ndër të arrestuarit në kuadër të operacionit “Volvo” që u ndërmor në tetor 2018 dhe i konsideruar si një prej të fortëve të Shijakut. Njihet dhe si Avdyli, Sulejmani apo me pseudonimin “Titi”, nga Shijaku.
Por jo vetëm Astrit Avdyli është pjesë e përgjimeve të publikuara nga media gjermane Bild, pjesë të dosjes 339/1 ku dilte se Avdyli komunikonte me ish- kryebashkiakun e Durrësit, që më pas do shpallej non- grata nga SHBA, Vangjush Dakon. Po jo vetëm, edhe me Arjan Ndrazhin, vëllain e deputetit socialist Ilir Ndrazhi.
Astrit Avdyli
Me Elton Arbanën, në kohën e bisedës kryetar i PS-së në Shijak dhe aktualisht kryebashkiak i Shijakut. Me Ivo Doçin, drejtorin e Ujësjellësit të Shijakut, apo dhe me votues dhe bëhej fjalë përpara vitit 2017 por në shumicën e bisedave dukej se Astrit Avdyli kërkonte vota për Partinë Socialiste.
Astrit Keçi u arrestua në maj të vitit 2018 me qëllim ekstradimin drejt Italisë pasi akuzohet si pjesë e grupit “Keçi” që merrej me trafik heroine e kokaine nga vendet ballkanike drejt Europës.
Droga trafikohej përmes territorit italian duke përdorur pikat kufitare në rajonin e Friuli Venecia Giulia.
Astrit Keçi
Astrit Keci prej vitesh fshihej në Shqipëri, por pas një hetimi të koordinuar me policinë e Triestes, Zyrën ndërlidhëse të Policisë shqiptare në Bari dhe Shërbimin Policor të bashkëpunimit Ndërkombëtar, u arrit të zbulohej vendndodhja e tyre. Keci ishin në krye të grupit “Keci” që operonte në Shijak dhe që është konsideruar si një nga organizatat kryesore të trafikut të drogës. Astrit Keçi është i afërm i Durim Keçit, i njohur si “i forti i Shijakut”.
Operacioni Forca e Ligjit, iu ka dërguar ditën e sotme kërkesat për vetëdeklarim të pasurisë, dy personave që janë subjekt i këtij ligji. Më pas, përgjigjet e marra do t’i dërgohen SPAK-ut, për veprime të mëtejshme.
