Numri i qytetarëve me të drejtë vote në komunat e Bujanovcit dhe Preshevës për afro 12,000 njerëzit e tejkalon numrin zyrtar të banorëve në këto komuna në jug të Serbisë.
Sipas të dhënave të komisionit të ekspertëve ndërkombëtarë dhe lokal të cilët vitin e kaluar përcaktuan popullsinë në komunat e Preshevës dhe Bujanocit, pasi shqiptarët në këto dy komuna bojkotuan regjistrimin e popullsisë të vitit 2011, në këto dy komuna jeton një popullsi totale prej 67,900 banorësh.
Këto të dhëna tregojnë se në komunën e Bujanocit jetojnë rreth 38.300 banorë dhe 29,600 në Preshevë, referon BETA.
Në të njëjtën kohë, sipas komisioneve zgjedhore komunale në komunat e Preshevës dhe Bujanovcit kemi një total prej 79,688 votuesve.
Në komunën e Bujanocit, e cila zyrtarisht ka 38,300 banorë, në listën zgjedhore, sipas Komisionit Zgjedhor Komunal për zgjedhje më 24 prill, janë regjistruar 42,288 votues, që përbëjnë 3,988 ose më shumë persona më shumë në listën e votuesve sesa ka zyrtarisht banorë komuna e Bujanocit.
Në komunën e Preshevës me 29.600 banorë, sipas Komisionit Komunal të Zgjedhjeve ka 37,400 votues të regjistruar, 7.800 ose më shumë persona të regjistruar në listën e votuesve se sa popullata e komunës.
Përveç faktit se në Preshevë dhe Bujanovc s’ka pasur asnjë regjistrim të popullsisë dhe se popullsia është vlerësuar në bazë të parametrave ndërkombëtare të parashikuara, diferenca e numrit të banorëve dhe votues të regjistruar ndikohet nga fakti se një përqindje e madhe e banorëve të këtyre komunave aktualisht jetojnë jashtë vendit apo janë ende të regjistruar listat zgjedhore.
