Sondazhi i Eurobarometrit, publikuar dje nga Euronews Albania, i cili prej vitesh ka qenë ndër më të saktët në parashikimin e zgjedhjeve, dha një shifër alarmante për Partinë Demokratike, duke treguar çfarë i ka bërë Sali Berisha kësaj partie.
Në pyetjen se si besojnë qytetarët që do të dalin zgjedhjet, 64% e tyre mendojnë se Partia Socialiste do të fitojë, ndërsa vetëm 15.5% besojnë se do të fitojë Partia Demokratike.
Por kjo nuk është shifra më e keqe. Më shqetësuese është se këtë rezultat e parashikojnë vetë votuesit e PD-së.
Nga votuesit e PD-së në vitin 2021, 49.5% besojnë që PS-ja do të fitojë bindshëm me 64%, ndërsa PD-ja do të marrë vetëm 15.5%.
Në krahasim, 91.3% e votuesve të PS-së në 2021 mendojnë se partia e tyre do të fitojë, ndërsa në PD gjysma e elektoratit të saj e sheh si të pashmangshme fitoren e thellë të socialistëve.
Kjo nuk është më çështje se kush fiton midis PS-së dhe PD-së, por fakti që gjysma e Partisë Demokratike tashmë është e bindur për një fitore të thellë të Partisë Socialiste.
Ky është treguesi më i qartë që Berisha e ka demoralizuar dhe zhgënjyer gjysmën e elektoratit të PD-së të vitit 2021.
Ky është rezultati i betejës së tij për të nënshtruar Partinë Demokratike, për ta vënë atë në rresht për interesat e tij personale, përballë sistemit gjyqësor dhe politikës ndërkombëtare.
Në këtë betejë, ka “rënë dëshmor” gjysma e elektoratit të PD-së.
Ky është bilanci konkret i fushatës së “bashkimit” të PD-së. Në vend që të bashkonte partinë, Berisha ka shkatërruar besimin e gjysmës së votuesve të saj.
Këtu nuk po flasim për rezultatin përfundimtar të zgjedhjeve, por për besimin me të cilin PD po hyn në zgjedhje.
Përballë kësaj situate, masturbimi politik i PD-së dhe njerëzve të Berishës, të cilët montojnë në studiot e tyre në Tiranë lajme për portale qesharake amerikane, për të autosugjestionuar veten se janë në rrugën e duhur, po shkon kot.
Nuk është problemi se nuk i beson shoqëria shqiptare, problemi është se nuk i beson më as gjysma e PD-së.
Dhe ky është efekti real i misionit të Berishës në opozitë:
Ai e ka përçarë Partinë Demokratike në mënyrë të pakthyeshme.
E ka dobësuar në mënyrë të pakthyeshme.
E ka kthyer në një humbëse të përhershme.
Dhe ajo pjesë e PD-së që ai ka vënë poshtë këmbëve për ta poshtëruar, më shumë sesa një fitore e tij, është një fitore për Edi Ramën dhe një garanci për vazhdimësinë e pushtetit socialist.
Berisha po e çon PD-në më poshtë se në vitin 1997
Me këtë trend, Berisha po e çon PD-në edhe më poshtë sesa e çoi në vitin 1997.
I vetmi ndryshim është se nuk mund t’i bëjë më Shqipërisë atë që i bëri në 1997
