Arrrestohet në Spanjë një nga një nga drejtuesit më të kërkuar të mafias kalabreze, Ndragheta.
“Guardia Civile” bën me dije se është arrestuar 34-vjeçari, G.R, i cili ishte prej disa vitesh në arrati.
Sipas mediave itliane, 34-vjeçari, është kapur në një treg të madh në Barcelonë, Mercat de Sant Gervasi, në sajë të mbikëqyrjes së një anëtari të familjes së tij.
“Ai ishte në arrati që prej disa vitesh dhe ishte i kërkuar në Itali për trafik droge, pastrim parash dhe si pjesë e një organizate mafioze”, theksoi policia në një komunikatë.
Ai konsiderohet në Itali, si një nga bosët më të rëndësishëm të mafies kalabreze të njohur si ‘Ndrangheta, e njohur për rrezikshmërinë e saj dhe praninë në pesë kontinentet. Ky arrestim i kryer nga Njësia Operative Qendrore (UCO), është pjesë e iniciativës së koordinuar me EUROPOL përmes projektit ITOC mbi krimin e organizuar italian dhe kundër ‘Ndranghetas’. Hetimi filloi kur përmes marrëdhënieve ndërkombëtare që Garda Civile mban me OFAST francez (Office Anti-Stupéfiants), u bë e njohur për praninë e mundshme të këtij personi, konkretisht në Katalonjë.
Në këtë mënyrë, pasi kontaktuan hetuesit italianë të Brigadës së Lëvizshme të Shtabit të Policisë Reggio Calabria dhe Shërbimin Qendror Operacional të Polizia di Stato, ata informuan Gardën Civile se konsiderohej si një nga “të arratisurit e rrezikut maksimal” i lidhur me mafia ‘Ndrangheta, pasi është një nga anëtarët e saj më të shquar dhe vendndodhja e tij nuk dihej pre disa vitesh.
‘Ndrangheta është një nga organizatat më të mëdha dhe më të fuqishme kriminale në botë. Me origjinë nga rajoni italian i Kalabrisë, kjo organiyatë është përhapur në të gjithë botën dhe vazhdon të rritet në mënyrë të qëndrueshme. Sot, ‘Ndrangheta konsiderohet e vetmja organizatë mafioze italiane e pranishme në të pesë kontinentet.
g.kosovari
