Krahasim që për të ndryshon si nata me ditën, pasi asokohe kishte të tjera ideale, kishte të tjera kushte dhe presione, ndërsa sot janë me veshje firmato protestuesit.
Ish-grevisti Ardi Stefa ua dërgon këtë kujtesë dhe bashkëgrevistëve të asaj kohe.
“Në shkurt 1991 kur ne hymë në grevë urie puthëm flamurin kombëtar dhe jo atë partiak.
Për të ngrënë nuk kishim -picat nuk i njihnim.
Familjet nuk dinin gjë, nuk mundëm t’i lajmëronim (telefonat e postave nuk punonin për lajmthirrjet- sot në grevë konkurrojnë me iphone 1000€). Dhe nxjerrin selfie idiot face.
Cigaret Gent e DS sot i kanë zëvendësuar purot dhe cigaret elektronike me shije trëndafili.
Atëherë ishim të veshur me kadife e fanellatë, sot në protestë me Gucci, Versaçe etj.
Atëherë ishim pa rruar se as brisqe nuk gjenim, sot qimet janë në modë.
Atëherë dëgjonim Beatles dhe The Eall, sot tallava…
Atëherë rrezikonim kokën, sot ulen e ngrihen me komandë në bulevard.
Atëherë shpërthyem me lot në sy kur e qërruan qelbësirën dhe ikëm ashtu, të thjeshtë, kokëulur e madhështorë…
Sot ëndërrojnë postet e paratë që do pasojnë kur të vijnë në pushtet.
Sa demode paskemi qenë…
Apo jo Arian Manahasa, Mesila Doda, Arben Sulo, Shenasi Rama, Ilir Dizdari…“, shkruan ai
