Sekretari organizativ në Partinë Demokratike, Enno Bozdo, i ftuar në rubrikën “Opinion” në studion e lajmeve në News24, foli për protestën e nesërme të opozitës.
Ai u shpreh se pritet të jetë një nga tubimet më të mëdha që PD ka zhvilluar madje shtoi se në bulevardin “Dëshmorët e Kombit” mund të zbarkojnë qindra mijëra vetë, shkruan BalkanWeb.
Bozdo tha se kjo protestë nuk bëhet në bashkëpunim me asnjë parti politike, por me qytetarët, dhe si qëllim kryesor është largimi i qeverisë së Ramës.
Sekretari organizativ tha se PD do përdorë të gjitha mjetet që protesta të jetë paqësore.
“T’i themi kësaj qeveri që nuk jemi dakort me ty, me shkatërrimin që i ke bërë institucioneve, me kriminelët që i mbajte si të parët e vendit, që bëre të largohen qindra mijëra shqiptarë. Nuk jemi dakort për mënyrën si po ecën ky vend.
Nesër nuk votohet për opozitën, por opozita ka ftuar në shesh qytetarët, veçanërisht socialistët, me të cilët Edi Rama ka tradhëtuar besimin.
Besoj se do jetë më e madhja që PD ka organizuar ndonjëherë, qindra mijëra do jenë. PD ka probleme të brendshme, si në çdo parti.
Më 27 janar presim të ndodhi tubimi më i madh, PD nuk dorëhiqet nga kjo rrugë deri sa të gjehet një zgjidhje.
Nuk duhet se çfarë skenari do të ketë pas datës 27, por di që PD nuk do tërhiqet nga vala e protestave,” tha Bozdo.
Qëllimet e opozitës me protestën
“Teza e opozitës është e qartë, një qeveri antimafia, që ka parësore luftën kundër krimit dhe drogës dhe plotësimin e kushteve për zgjedhje të lira e të ndershme
Të shkëputet financimi i politikës nga krimi, të mos blihet më vota, dhe reforma zgjedhore t’i bëjë që shqiptarët të ndihen të përfaqësuar. Të numërohet vota ashtu siç hidhet.
Tahiri drejtoi trafikun më të madh të drogës. Krahu i djathtë i kryeministrit. Mafia që ka kapur sot Partinë Socialiste, kërkon të blejë popullin. Të këpusim lidhjen e krimit me Edi Ramën, se ai është përgjegjës direkt për këtë ushqim që po shkatërron shpresën e shqiptarëve”
Bashkëpunimi me LSI
“Në këtë protestë shkojmë me qytetarët, me asnjë parti tjetër. Kushdo parti tjetër që e ndjen të protestojë, i bashkohet kauzës së Partisë Demokratike. Objektivi kryesor i PD, është largimi i Edi Ramës, i identifikuar si koka e së keqes. I bëj thirrje dhe socialistëve që të vijnë aty në protestë, që e kanë kuptuar zhgënjimin”./a.m.
