Diklen Vata, një prej personave i cili mbeti i vrarë në atentatin me armë zjarri ditën e sotme në Fushë-Krujë, nuk është një emër i panjohur për drejtësinë.

Diklen Vata është arrestuar në 2017-ën pasi është kapur në makinë me disa doza kokaine.

Sipas policise ai eshte vene ne pranga, pasi i jane gjetur doza kokaine, te cilat i kishte te fshehura ne çorape si dhe ne celesin e makines.

Ne njoftimin e policise te vitit 2017 thuhej se: “Shërbimet e policisë të Drejtorisë Vendore Tiranë arrestuan shtetasin Diklen Vata, 25 vjeç, banues në Laç.

Gjatë kontrollit fizik të ushtruar ndaj këtij shtetasi në vendin e quajtur zona e shkollës “Bajram Curri”, i është gjetur e fshehur në çorape një mbështjellëse me lëndë narkotike e dyshuar e llojit kokainë, si dhe 3 mbështjellëse të tjera të fshehura në çelësat e makinës.

Në vijim është ushtruar kontroll në banesën e shtetasit Diklen Vata, ku gjatë kontrollit të ushtruar i janë gjetur dhe 18 mbështjellëse të tjera me lëndë narkotike e dyshuar e llojit kokainë.

Janë sekuestruar në cilësinë e provës materiale 22 doza me lëndë narkotike e dyshuar e llojit kokainë e cila rezultoi e peshës 11.4 gramë.

– 3 aparate celularë

– mjeti i markës “Rover”

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale ” Prodhim dhe shitja e lëndëve narkotike”, parashikuar nga neni 283/1 i Kodit Penal.”

Sendet qe iu sekuestruan Diklen Vates ne vitin 2017