Kryeministri Edi Rama tha sot në takimin me punonjësit e Bashkisë Tiranë se kjo e fundit s’duhet të ndalet asnjë moment në punën e saj.
Ai shtoi se i gjithë vendi i ka sytë nga kryqyteti dhe mbështetja e tij s’do të mungojë.
Anetarësimi i Shqipërisë në BE kalon nga Tirana, që është lokomotiva e tranformimit dhe duhet të vazhdojë që nga kryetari i Bashkisë deri te policët bashkiakë.
Këto muaj Bashkia duhet të zgjohet edhe më herët dhe të flejë edhe më vonë.
Tirana ka zgjedhje në 11 Maj, por ama Bashkia e Tiranës ka miq të mëdhenj për të pritur në 16 Maj, ndaj gjithçka duhet të shkëlqejë. Unë do të jem këtu me ju, për Tiranën dhe gjithë Shqipërinë ditën dhe natën me kokën lart. Me çdo shqiptar që flamurin s’e ka vetëm për në stadium, por e ka në zemër dhe mendje.
çfarë nuk të vret, të forcon. Ditët më të mira janë të gjitha përpara!
