Lajmi për largimin e Saimir Tahirit nga posti i Ministrit të Brendshëm ende nuk është konfirmuar zyrtarisht. Vet Tahiri deklaroi përmes një statusi në facebook se “as i kanë kërkuar dhe as ka dhënë dorëheqjen”.
Gjithsesi burimet nga qeveria flasin për ndryshime të shumta. Pritet sipas burimeve që ditën e hënë të zyrtarizohet largimi i disa ministrave që janë koordinatorë të PS në qarqe të cilët do të angazhohen për drejtimin e fushatës.
Ndërkohë, pas këtyre zhvillimeve, mësohet se kryeministri Rama pritet të mbledhë qeverinë ditën e diel në ora 10.00. Kjo është një mbledhje urgjente ku do të diskutohet për ndryshimet./a.m.
