Ndryshimi i doganës, sa bëhet pagesa sipas llojit
Makinat e përdorura që janë më të vjetra se viti 2005 do të paguajnë një taksë më të lartë zhdoganimi sesa paguanin deri dje. Për shumicën e rasteve, rritja e vlerës së zhdoganimit shkon 30 për qind, por ka raste edhe më shumë. Përveç kësaj, në listën e referencave për makinat më të vjetra se 10 vite është shtuar edhe kubikazhi 4500, që në udhëzimin paraardhës të Financave nuk ka qenë.
Pas udhëzimit të ministrit të Financave të publikuar në Fletoren Zyrtare që përcaktonte edhe referencat e reja sipas llojit të kubikazhit që kishte secila, në degët doganore ka mbërritur dje edhe urdhri respektiv. Për vitin e ardhshëm do të përfshijë 2006-2016.
Në këtë logjikë makinat që mbeten jashtë këtij buletini do të paguajnë në bazë të çmimit të referencës që është vendosur nga Ministria e Financave. Sa më i ulët kubikazhi, aq më i lirë edhe zhdoganimi.
Por çfarë ndryshon konkretisht. Doganat i referohen për të zhdoganuar një automjet, jo faturës që sillet nga klienti, por një buletini të certifikuar që publikohet nga “Quattroruote”. Ky buletin publikohet dy herë në vit, në janar dhe në korrik, dhe përfshin dhjetë vite në të. Pra, për këtë vit ai përfshin makinat nga 2005 në vitin 2015, për vitin 2014 përfshinte 2004 2014.
Redaksia Java News/ f.g
