Komiteti Shqiptar i Helsinkit (KSHH) shprehu të hënën shqetësim per vonesat në ndryshimin e kodit zgjedhor. Përmes një deklarate për shtyp KShH konstaton se megjithëse zgjedhjet e ardhshme parlamentare do të zhvillohen në qershor 2017 ende nuk është hartuar projekti i ndryshimeve që duhet t’i bëhen Kodit Zgjedhor, sipas rekomandimeve të OSBE/ ODIHR-it.
Për këtë arsye KShH-ja i sugjeron komisionit të reformës zgjedhore të intensifikojë punën me synim hartimin e një projekti cilësor dhe me formulime të qarta që të mos lejojmë keqinterpretime.
Është thënë se ndryshimet në Kodin Zgjedhor do të përfundojnë brenda muajit Dhjetor 2016, por ende nuk dihet nëse është patur parasysh dhe mundësia që ky projekt të bëhej objekt diskutimi, pra të ishte gjithpërfshirës, thuhet ne deklaraten e KShH-se. /a.m.
