I ftuar në emisionin “Java në RTSH”, ish-deputeti Enkelejd Alibeaj ritheksoi qëndrimin e opozitës mbi ndryshimet kushtetuese që mazhoranca me opozitën parlamentare pritet të bëjnë. Alibeaj tha në studoi se ligji themelor i shtetit nuk mund të preket sipas shijeve personale të kryeministrit.
“Ndryshimet në Kushtetutë me këtë parlament janë një guxim i marrë i Edi Ramës. Edhe unë perosnalisht mendoj se sistemi mazhoritar është më i miri, po rnuk mund të bazohemi në shijet personale për të prekur sistemin” – tha ai.
Ish-deputeti i PD solli në vëmendje edhe ndryshimet e kryera në vitin 2008. Ai tha se në atë kohë ishte kërkesë e vetë Ramës që të prekej Kushtetuta. Alibeaj komentoi edhe listat e hapura teksa theksoi se edhe kandiatët në ato listat caktohen sërish nga kryetarët.
“Për ndryshimet në sistemin zgjedhor duhet të pyeten qytetarët përmes referendumit” – tha Enkelejd Alibeaj duke përsëritur kështu qëndrimin e Partisë Demokratike dhe aleatëve.
https://www.youtube.com/watch?v=H_mynIwB1Tc
Ky eshte politikani me koti qe ka PD . Kur del kunder shumices se popullit per listat e hapura ,cfar te thote sovrani