Mazhoranca është përpjekur të ofrojë një draft konsensual ndaj opozitës me qëllim kalimin në Kuvend të Reformës në Drejtësi. Por nga ana tjetër, në këto propozime janë reflektuar edhe një sërë mangësish të cilat u vunë re, sidomos sa i përket shtrirjes në kohë të gjykimit të ish zyrtarëve të lartë të shtetit, të cilët mund të kenë abuzuar apo të jenë përfshirë në veprimtari kriminale që lidhen kryesisht me korrupsionin apo pasurimin në mënyrë të paligjshme. Në dokumentin I cili pritet të diskutohet pas pak minutash në Komisionin e Posaçëm të Reformës, vihet re se ka disa ndryshime serioze krahasuar me draftin e e publikuar me 4 maj.
Ndryshimet krahasuese
Duke krahasuar të dy dokumentet vihet re se është zgjeruar rrezja e zyrtarëve të lartë që do të hetojë Prokuroria Speciale, personazhe të cilët më pas do të gjykohen nga Gjykata e Posaçme. Nëse në draftin e fillim majit shkruhej se kjo strukturë do të hetonte zyrtarë, të cilët kanë shërbyer 3 vitet e fundit dhe në vijim, ky kufizim është rrëzuar. Madje është saktësuar se do të hetohen të gjithë ata zyrtarë që kanë shërbyer që nga viti 91. Në këtë mënyrë rrëzohet mundësia e shpëtimit nga hetimi i zyrtarëve që kanë shërbyer në qeverinë e Berishës përfshirë këtu edhe Lulzim Bashën. Në këtë nen janë specifikuar 15 kategori zyrtarësh të lartë që do të hetohen nga Prokuroria Special.
“Gjykatat e Posaçme gjykojnë veprat penale të korrupsionit dhe të krimit të organizuar, si dhe akuzat penale kundër Presidentit, Kreut të Kuvendit, Kryeministrit, ministrave, gjyqtarëve të Gjykatës Kushtetuese dhe të Gjykatës së Lartë, Prokurorit të Përgjithshëm, Inspektorit të Lartë të Drejtësis, kryetarit të Bashkisë, deputetit, zëvendës ministrit, anëtarëve të KLGJ dhe KLP, si dhe drejtuesve të institucioneve qëndrore ose të pavarura të përcaktuara në Kushtetutë ose në ligj, si dhe akuza kundër ish- funksionarëve, të sipërpëermendur që kanë shërbyer që nga viti 91” nënvizohet në draft.
Skema e kompromisit
Në përpjekje për të arritur në një draft konsensual, është propozuar edhe një skemë e re për plotësimin e vendeve në Drejtësi. Ndryshe nga drafti i mëparshëm nuk propozohet zgjedhja, por shortu çdo fillimviti për anëtarët e këshillit të emërimeve. “Këshilli i Emërimeve në Drejtësi përbëhet nga 9 anëtarë, të përzgjedhur me short nga rradhët e gjyqtarëve dhe prokurorëve, ndaj të cilëve nuk është dhënë masë disiplinore. Ata ushtrojnë detyrën me mandate 1 vjeçar që fillon në dt. 1 janar të çdo viti kalendarik. Presidenti i Republikës përzgjedh me short, midis datës 1 dhe 5 dhjetor të çdo viti kalendarik, 2 gjyqtarë të Gjykatës Kushtetuese, 1 të Gjykatës së Lartë, 1 prokuror nga Prokuroria e Përgjithshme, 2 gjyqtarë dhe prokurorë pranë gjykatave të Apelit, dhe 1 gjyqatarë nga Gjykata Administrative”, nënvizohet në draft.
Mosha e gjyqtarëve
Po ashtu është shtuar kufiri moshor për anëtarët e Gjykatës së Lartë. “Gjyqtari i Gjykatës së Lartë zgjidhet nga rradhët e gjyqatarëve me të paktën 13 vjet përvojë në ushtrimin e profesionit. 1/5 e gjyqatarëve në këto gjykata, mund të përzgjidhen mes juristëve të spikatur me jo më pak se 15 vjet përvojë si avokat, profesorë ose lektorë të së drejtës, jurist të nivelit të lartë në administratën publike, ose në fusha të tjera të së drejtës”, nënvizohet në draft propozimet e reja që do të shqyrtohen sot në Komisionin e Posaçëm të Reformës në Drejtësi.
(javanews.al) Me. Ar
keto pika po qe jane sic duhet dhe as nuk duhet qe te leshojn pe…por me sa duket po hedhin vickla qe tani qe nuk e duan se ne pergjithsi kan vjedhur te gjithe dhe ju dhemb kurrizi.na doli dhe Fatos nano ne sken tani se e di shume mir qe keti sistemi nuk i shpeton dot,dhe do bejn cmos qe kjo gje te mos votohet.Kjo eshte per te ven mend per ne votuesit qe jemi ndar si lakra ne vaj ne te gjitha partit..Nese nuk fotohet kshu kjo reform ,me mir te kaloj zgjedhje te parakoshme dhe bashk me zgjedhjet te propozohet dhe ky draft qe ta votoj populli.Jam i sigur qe nuk ka shqiptar qe nuk i voton keto pika,pervec politikanve dhe te afermeve te tyre!!