Avokati Idajet Beqiri komentoi paralajmërimin e kryeministrit Edi Rama për ndryshime në legjislacion, pas mosvendimit të Gjykatës Kushtetuese lidhur me ankimin e qeverisë për ndarjen e kompetencave mes pushtetit ekzekutiv dhe atij gjyqësor.
Në emisionin “3D” në RTSH, Beqiraj tha se për shkak të procesit të integrimit evropian, vendi nuk mund të ndërmarrë ndryshime ligjore pa miratimin e Bashkimit Evropian.
Sipas Beqirit, me hapjen e të gjithë kapitujve të negociatave, vendi është i detyruar që ta përshtasë legjislacionin me atë të BE-së, ndërsa çdo ndryshim i mëtejshëm nuk mund të bëhet pa dakordësinë e institucioneve evropiane.
“Problemi është se me hapjen e të gjithë kapitujve ne jemi të detyruar që legjislacion ta përthanim me atë të BE dhe çdo lloj ndryshimi nuk e bën dot më pa miratimin e atyre Ne kemi mangësi të theksuara në legjislacion, veçanërisht në Kodin e Procedurës Penale, në ligjin për Gjykatën Kushtetuese dhe në atë për SPAK-un. Ka ardhur koha që këto ligje të përshtaten plotësisht me legjislacionin e Bashkimit Evropian,” u shpreh Beqiri.
