Sistemi aktual elektoral u vendos në vitin 2008, me marrëveshjen e famshme të Ramës dhe Berishës, cka solli ndryshimet kushtetuese, qe preken gjithashtu edhe drejtesine, edhe prokurorine si dhe kompetencat e presidentit.
Disa prej atyre që e noterizuan me votë atë pakt, sot kërkojnë falje.
“E meritoj tërësisht statusin e të penduarit” tha ai.
Fatmir Mediu i cili ne ate kohe votoi kunder, riktheksoi pasojat e atyre ndryshimeve:
“Nga një demokraci përfaqësuesi kemi arritur tani në një shtet kryeministror ku cdo gjë kontrollohet nga një njeri*
Agron Duka, i PAA, si parti e vogel, ka vuajtur ne kurriz pasojat e sistemit: *Nëse PAA-ja në Durrës merr 8 mijë vota dhe sistemi aktual kërkon 10 mijë vota, ato 8 mijë vota ikin kosh. Ata persona janë të papërfaqësuar. S’dinë gjë se ku janë*
Dashamir Shehi LZHK: Ky lloj mekanizmi pervers politik do thyer. Duhet thyer ky lloj monopoli i dy njerëzve që nuk lejojnë më njeri tjetër të hyjë në fushë e të merren me politikë
Tani 5 parti politike, nga të cilat 3 janë parlamentare, duket se e kane marre seriozisht situaten. Te enjten ato u bënë bashkë për të nisur mbledhjen e firmave të 50 mijë zgjedhësve per te ndryshuar sistemin zgjedhor.
Ndër të tjera ato kërkojnë ndryshimin e Kushtetutës, sistem zgjedhor me 4 qarqe e jo me 12 si tani, lista tërësisht të hapur deputetësh, si dhe të drejtën e votës që në 16 vjec.
Në tryezë mungoi partia socialiste ne pushtet dhe Foltorja e Sali Berishës, bashkefirmosesi i ndryshimeve 15 vjet me pare. Cuditerisht ne tryeze mungoi edhe Ilir Meta, njeriu qe i kundershtoi ato me greve urie, por jo perfaqesuesi ligjor i PD-se zyrtare. Partia qe pritet te bjere pas pak javesh ne duart e Lulzim Bashes, i beri kesaj perpjekjeje kundershtine e pare, ku nuk munguan dozat e cinizmit.
Rezart Kthupi, PD: Nëse krijohet presion përmes procedurës referendare apo komisionit të reformës zgjedhore, mund të arrini rezultat më të shpejt, ndoshta edhe më pozitiv se sa përmes një referendumi që ju mendoni
Ai propozoi që negociata për këtë cështje të kalonte në Kuvend, në tryezën e reformës zgjedhore. Tryeze ku mund te ulen vetem dy persona. Edi rama dhe Lulzim Basha.
Fatmir Mediu, PR: Asgjëkundi nuk ka për të shkuar. Me Komision të reformës zgjedhore që thoni ju, unë jam anëtar, aty vendosin vetëm dy njerëz që vendosin sic ju do qejfi., dhe s’pyesin për askënd tjetër. Nuk ka diskutime aty
Ndryshimi i Kushtetutës vetëm me kërkesë të 50 mijë zgjedhësve është i pamundur. Ilir Meta dështoi në një përpjekje të ngjashme në vitin 2008. Që populli të ndryshojë Kushtetutën dhe të zgjedhë vetë sistemin zgjedhor, duhet që kjo të lejohet nga 94 deputetë të Kuvendit.
Socialistet megjithese nuk kane folur, duket se po degjojne me vemendje, sesi llogarite e tyre politike dhe elektorale, mund te permiresohen nga kjo nisem ne dukje modeste e nje pjese te opozites. Sepse ata e dine me mire se gjithe te tjeret, se kushtetuta, nese preket, nuk preket vetem per zgjedhjet dhe se ne fund fare, sovrani duhet te flase. Me referendum, ose zgjedhje te parakohshme./m.j
vetem me referendum do arrini te mposhtni komunistat e spiunte,qe vollen,plackiten e poshtruan shqiptaret e Shqiprine qe nga viti 1991 e deri me sot.Nuke pranojne zgjedhje te parakohshme kta ndytsira qe masakruan popullin.Po e patet serjozishte edhe ju,referendumi hedhe poshte ligjet e komunistave e spiunve.