Teksa kryeministri Edi Rama e cilësoi si lajm pozitiv vendimin e BE për negociatat, Ditmir Bushati ka një qëndrim të ndryshëm.
Ish-ministri për Europën dhe Punët e Jashtme shprehet i keqardhur pas vendimit të BE për Shqipërinë.
Në një postim në “Twitter”, Bushati thotë se shtetet anëtare të BE-së nuk iu përmbajtën përfundimeve të qershorit të vitit të kaluar të cilat përcaktojnë edhe rrugën drejt hapjes së negociatave të pranimit me BE në këtë qershor.
“Është për të ardhur keq që vendet anëtare të Bashkimit Europian nuk iu përmbajtën konkluzioneve të tyre te qershorit 2018, për çeljen e negociatave për anëtarësim ne BE me Shqipërinë në qershor të 2019.
Gjithsesi, rruga mbetet e hapur për në Tetor 2019 dhe Shqipëria e dedikuar me reformat që kanë lidhje me këtë proces.# Albania4EU” – shkruan Bushati.
