Obelisku një vepër monumentale në qendër të qytetit të Lezhës mund të vizitohet edhe natën tashmë falë investimit të bashkisë për t’i vendosur ndriçimin e duhur.
Kryetari i Bashkisë së Lezhës Pjerin Ndreu thotë se “sonte i dhamë dritë Obeliskut, një objekt historik me vlera për komunitetin lezhjan! Një ditë, një gjë të re në qytetin e bukur të Lezhës”.
Obelisku është një monument kujtimi dhe nderimi për Kuvendin e Lezhës mbajtur në 2 mars 1444. Me këtë datë, heroi kombëtar Gjergj Kastriot Skënderbeu mblodhi në këtë qytet princat shqiptar për t’i bashkuar në luftën kundër perandorisë osmane.
Sot ky Kuvend përkujtohet përmes një vepre monumentale në qendër të Lezhës, në sheshin Besëlidhja.
