Aktori i njohur Ndriçim Xhepa ka ngritur alarmin se produktet artistike shqiptare janë në nivelet e mediokritetit, afro 70% e produksioneve.
“Që të jem i sinqertë 20-30 % e produktit që prodhohet mund të jenë shfaqje që ia vlen të shikohen, me regji të mirë, të arritura.
70% janë mëse mesatare, mëse mediokre që po të kishte ca këshilla artistike vendimarrëse duhet t’i bllokonin. Ka shumë shfaqje që janë ordinere”, është shprehur ai.
Nga ana tjetër ai thotë se realizmi i festivaleve është i rëndësishëm për të rritur cilësinë e shfaqjeve.
“Është e natyrshme që në harkun e dy vjetëve nëqoftëse kryeqendrat mund të kenë 12-13 premiera të kryera dhe nga këto të nxjerrin dy produkte të mira, aq më tepër që mbas kaq kohe ne të përfaqësohemi në festival me këtë. Po këtë gjë duhet ta bëjnë edhe qytetet më të vogla dhe trupat më të vogla. Kjo do të rrisë cilësinë e shfaqjeve dhe të festivalit”, është shprehur ai në një intervistë në “Abcnews”.
ma.me
