Qarku i Lezhës rrezikon të mos ketë në mos ketë në parlament asnjë përfaqëues të Partisë Socialiste, e cila është edhe partia më e madhe në vend. Dorëheqja e Arben Ndokës, dhe arrestimi i Armando Prengës që mund të pasohet me dorëheqjen e tij kanë shkaktuar mjaft probleme në degët e Partisë Socialiste në Lezhe Mirditë e Kurbin.
Burime pranë kësaj force politike për Shqiptarja.com pohojnë se një pjesë e strukturave të kësaj partie kërkojnë që Kreu i ri i bashkisë së Mirditës, Ndrec Dedaj, të japë dorëheqjen dhe të zërë vendin e Arben Ndokës në Parlament. Të njëjtat burime bëjne me dije se një propozim të tillë ia kanë bërë edhe Lindita Nikollës, e cila është caktuar koordinatore për qarkun e Lezhes. Arsyeja kryesore se përse socialistët e këtij qarku kërkojnë, Ndrec Dedën në parlamet ështe se pasuesi i tij në listë, Eduart Ndocaj, është larguar nga kjo forcë politike dhe është bërë zëvendëskryetar i Partisë Demokristiane.
Përvec kësaj Ndocaj më hërët ka lëshuar akuza të ashpra ndaj kryeministrit Rama dhe ministres së mbrojtjes, Mimi Kodheli, ndërsa pasardhësi i Ndocajt, Kastriot Piroli është dënuar pak kohë më parë për shpërdorim detyre.
Nëse Ndrec Dedaj nuk pranon të dorëhiqet nga posti që mban si kryetar i bashkisë Mirditë, dy mandatet e deputetit të Partisë Socialiste i kalojnë Lëvizjes Socilaiste për Integrim. Kjo forcë politike bëhet me katër deputetë në këtë qark, pasi aktualisht ka në Kuvend Monika Kryemadhin, dhe Gjovalin Kadelin, i cili pasi fitoi mandatin me Partinë Demokratike vendosi t’i bashkangjitet LSI-së.
