Floyd Mayweather i ka ë lamtumirën boksit profesionist pas një karriere të pabesueshme prej 49 vitoreve dhe asnjë humbjeje, duke barazuar edhe rekordin e legjendës, Rocky Marchiano
Në MGM Grand Garden Arena të Las Vegasit, Mayweather mposhti rivalin Andre Berto pas 12 raundeve ku tre gjyqtarët nuk patën asnjë dyshim për boksierin fitues. Në këtë mënyrë, në moshën 38-vjeçare, Mayweather i ‘var dorezat në gozhdë’ me 49 fitore, asnjë humbje dhe 26 prej fitoreve të regjistruara me nokaut. Mayweather e kontrolloi ndeshjen çdo minutë ndaj Bertos duke mos i lënë asnjë hapësirë për ta sulmuar. Me kalimin e raundeve, për Berton u bë edhe më e vështirë pasi Mayweather arriti të ruante me mjeshtëri energjitë për të mos lejuar sulme të papritura që do të prishnin festën e tij në përballjen e fundit të karrierës.
Në këtë mënyrë, të 4 gjyqtarët votuan në favor të Mayweather që tërhiqet nga ky sport pasi ka arkëtuar plot 700 milionë Dollarë. Gjithsesi, kjo nuk është hera e parë që Mayweather tërhiqet nga ringu dhe ndoshta në të ardhmen ai mund të rimendohet për të kaluar kufirin e 50 fitoreve.
