Ndre Legisi: Ilir Meta luan me dy karta, Edi Rama të kërkojë zgjedhje të reja
Ish-deputeti Ndre Legis në një rrëfim në emisionin “Të Paekspozuarit” të Ylli Rakipit tregon pse u largua nga LSI dhe PS për t’u “arratisur nga liria” në fermën e tij të ngritur pak km larg Tiranës. Çfarë e ndau nga Ilir Meta dhe Edi Rama dhe pse nuk pranoi të ishte negociator i tyre në “takimin e ngjalave”?
Paralajmërimi që i dha Ramës kur zgjodhi vetë, pa pyetur askënd, kandidatët për deputetë në zgjedhjet e 2013, dhe këshilla që i jep atij tani kur kemi një Parlament që po çudit Europën: “Unë marr përgjegjësitë e mia dhe i them popullit: hajde tani më voto në zgjedhje të parakohshme”
Ja disa nga deklaratat më të rëndësishme të Ndre Legisit gjatë emisionit
Zgjedhjet ne 2009
Legisi: I thashe Rames pa LSI nuk bëhesh dot kryeministër. Isha kunder koalicionit LSI me Berishën. Meta luante me 2 karta. Siç shkoja unë te Edi Rama shkonte Dritan Prifti te Saliu.
Koalicioni PS- LSI
Legisi: “Isha kundër koalicionit. S’pranova te isha negociator. LSI-ne se ka marrë se e ka dashur, por sepse i duhen numrat. Koalicioni nuk eshte origjinal
Zgjedhjet 2013
Legisi: Rama s’pyeti askënd për kandidatët. Lexoi listën dhe iku. I thashe do të jenë gur në qafën tënde” U tërhoqa nga fushata kur u njoha me kandidatët. Veliaj konsiderohej më i rëndësishmi.
Parlamenti sot
Legisi: “Nuk mund të ndërtosh një godinë nëse themelet I ke bërë shtrembër. Edi Rama, po të isha unë në këtë situatë që është krijuar në parlamentin e Shqipërisë bëj zgjedhje të reja, të dalë para popullit dhe të thotë, si tha ai greku: “Unë e bërë këtë gabim. Është përgjegjësi e imja”. Kam bërë këtë gabim, kam bërë një Parlament që po çudit Europën. E kam bërë me duart e mia dhe dua ta korrigjor dhe të shkojë në zgjedhje të parakohshme. Absolutisht.
Komenton Ramën, Metën e Nanon
Legisi: Rama bëri lojë me njerëzit që mbështetë në politikë. Herët a vonë do ta paguajë, me përçmim. Nano nuk është hakmarrës, nuk të ndjek nga pas. Meta politikan pragmatist.
Partia Socialiste
Legisi: ”Mënjanoi grupin e Blushit dhe të Malajt. Rama administron funksionin e kryetarit të partisë në mënyrë të gabuar. S’me hoqi Rama nga PS, s’duroja politiken e pisët.”
Ndarja veri- jug brenda partive
Legisi: “PS e ka këtë problem dhe e ka të mbartur nga e kaluara, ndërsa PD nuk është aq e zhvilluar”
