Ish aleati i PD, sot koalicion me PS, kryetari i PDK Nard Ndoka në një postim në rrjetin social facebook flet për shkaqet që e çuan partinë e tij drejt largimit nga koalicioni me PD.
Ndoka thotë se ka qenë PD ajo që ka refuzuar bashkëpunimin e për këtë arsye, PDK dhe strukturat e saj shqyrtuan odertën e PS dhe vendosëm që PDK të bëhet pjesë e koalicionit me PS.
“PD në mënyrë të njëanshme refuzoi bashkëpunimin me PDK dhe ofertën e saj për njësi të veçanta zgjedhore ku kandidatët e saj rezultonin fitues dhe ku PDK ka një mbështetje të konfirmuar elektorale në të gjitha proceset zgjedhore. Në këto kushte, PDK vendosi të ndërpresë negociatat me PD-në dhe të mos bëhet pjesë e koalicionit zgjedhor të udhëhequr nga kjo parti. Në mbledhejn e sotme kryesia e PDK-së shqyrtoi gjithashtu ofertën për bashkëpunim dhe bashkëqeverisje të Partisë Socialiste dhe vendosi të bëhet pjesë e koalicionit zgjedhor të drejtuar nga koalicioni qeverisës”, shkruan Ndoka në facebook
Redaksia Online
(Javanews.al)
