Pak pas ndërrimit të viteve, teksa kthehej në banesën e tij në lagjen “Sporti” në qytetin e Gramshit një biznesmen është përballur me një surprizë të pakëndshme.
“BalkanWeb” mëson se biznesmeni, emri i të cilit nuk bëhet i ditur ka pikasur hajdutët brenda shtëpisë së tij në katin e dytë të një pallati.
Ndërsa hajdutët mundën të largoheshin, biznesmeni iu është vënë nga pas dhe i ka ndjekur me mjetin e tij.
Në dalje të qytetit, makina e grabitësve që shihni edhe në fotot e siguruara për “BalkanWeb” nga gazetari Shkëlzen Henkoja është përplasur me bordurën anësore të rrugës.
Kjo e ka ndihmuar biznesmenin të kapë njërin prej hajdutëve, ndërsa tre të tjerë Siç mëson “BalkanWeb” mundën të largohen. Policia e qytetit të Gramshit po heton për rastin në fjalë, ndërsa ende nuk dihet shuma e grabitur në banesën e biznesmenit.
