Kolorado, gjenden përbërës kanabisi në rrjetin e ujësjellësit.
Ka një përbërës special në ujin që rrjedh nga çezmat e një komuniteti të vogël në Kolorado. Banorët e fshatit Hugo, një zonë që ka rreth 800 banorë, janë paralajmëruar që të mos e përdorin ujin për ta pirë, gatuar apo për tu larë, pasi në pus janë gjetur përbërje kimike të THC.
Ky element psikoaktiv gjendet edhe të marijuana dhe është zbuluar nga autoritet e shëndeti publik. Edhe pse kultivimi i marijuanës është i ligjshëm në Kolorado, ende mbetet e paqartë se si substanca THC ka shkuar deri në rrjetin e ujësjellësit të fshatit. Për të zbardhur shkaqet e këtij fenomeni, autoritetet policore kanë nisur hetimet dhe mësohet se FBI është bashkuar grupit.
Kapiteni i zyrës së Sherifit të Linkoln, Michael Yowell tha:-“ Nuk ka pasur raportime për njerëz të infektuar apo sëmurë nga uji. Kjo gjë na është konfirmuar nga autoritetet shëndetësore”. Por departamenti i shëndetit Lincoln County ka dhënë një paralajmërim të fortë që banorët të mos e konsumojnë ujin.
“Uji rezulton i infektuar dhe ne po bëjmë të pamundurën që të normalizojmë situatën. Po pastrojmë rrjetin e ujësjellësit. Uji i freskët do të vijë në çezmat tuaj sa më shpejt që të jetë e mundur”.
