Goditet një rast i Shpërdorimit të detyrës dhe Falsifikimit të dokumentave nga ana e Drejtorisë së Policisë Dibër. Uniformat blu ndaluan një shtetase me detyrë Notere si dhe një tjetër person nën akuzën e falsifikimit të dokumenteve.
Në prangat e uniformave blu ra noterja Majlinda Hangulli, e cila firmosi një akt noterial për kalim të një prone të paluajtshme në emër të një personeje që kishte ndërruar jetë më parë.
Ja njoftimi i plotë i Policisë së Dibrës
Më datë 10.11.2015, nga ana e Sektorit për Krimin Ekonomik Financiar në Drejtorinë Vendore të Policisë Dibër, në bazë të informacioneve të marra në rrugë operative dhe të një pune të mirëorganizuar u bë ndalimi i shtetasve:
- Majlinda Jangulli, 47 vjeçe lindur në Strikçan Bulqizë dhe banuese në Tiranë, me detyrë notere në qytetin e Peshkopisë.
Ndalimi i saj u bë për veprat penale të “Shperdorim te detyres” dhe “ Falsifikimit të dokumentave” parashikuar nga nenet 248 dhe 186/3 i Kodit Penal, që ka ndodhur në rrethanat si më poshtë:
Nga informacionet që dispononte Sektori për Krimin Ekonomik në Drejtorinë e Policisë Dibër, ka rezultuar se nga ana e noteres Majlinda Jangulli më datë 26.04.2010, me Nr 1136 Rep, NR. 225/1, Kol është përpiluar një kalim pronësie e palujtëshme ( kontratë shitje) në emër të shtetases N. K. e cila rezulton të ketë vdekur më datë 25.05.2004, gjë e cila është vertetuar nga Çertifikatë Vdekje.
Gjithashtu po më datë 05.10.2015, është nënshkruar kontrata e shitblerjes numër Nr.3744 Rep. NR. 1217/1 kol, për të cilën shtetasi Q.L nuk ka qenë prezent.
Në vijim të veprimeve u bë edhe ndalimi i shtetasit:
- Ylber Lami 32 vjeç, lindur në fshatin Cerjan Dibër.
Ndalimi i tij u bë pasi më datë 05.10.2015, ka nënshkruar një kontratë shitblerje me numër Nr.3744 Rep. NR. 1217/1 kol, për të cilën shtetasi Q.L nuk ka qenë prezent.
Materialet i kaluan Prokurorisë së rrethit Gjyqëror Dibër për shtetasen Majlinda Jangulli për veprën penale të “Shpërdorim të detyrës” dhe “ Falsifikimit të dokumentave nga personi që ka për detyrë të lëshojë dokumentin” parashikuar nga nenet 248 dhe 186/3 i Kodit Penal
Si dhe për Ylber Lami për veprën penale ‘’Falsifikimit të dokumentave’’ neni 186.
