Deputeti Eduard Ndocaj ka gati platformën për të garuar për kreun e PS-së, duke sfiduar kreun aktual Edi Rama dhe deputetin Ben Blushi.
Për të, gara për kreun e PS është serioze dhe ai është angazhuar me seriozitet, edhe pse tha se dikush e nxori emrin e tij në media si tallje.
I ftuar në emisionin “Wake Up” në Top Channel, Ndocaj deklaroi se kjo është një sfidë, por sfida më e madhe në jetën e tij ishte të kalonte detin në dimër me motoskaf.
“Të kalosh detin në dimër me motoskaf është sfida më e fortë, unë nuk shoh sfidë më të fortë se kjo”.
Pyetur nëse beson vërtetë se ai mund të jetë kreu i Partisë Socialiste, Ndoca iu përgjigj. “Kur u largova drej Italisë nuk mendova se do ndërtoja grataciela, por i ndërtova. Po mos ta besoja një gjë të tillë, unë s’do garoja”, tha ai.
Ndocaj deklaroi se mbështes të tij janë të gjithë ata që nuk votojnë Ramën. Sa për Blushin ka thënë se është një pikë tjetër e fortë, por ai i beson garës transparente.
Ndocaj është për një PS të fortë e që sipas tij duhet të gjejë veten. “Duke dëgjuar fjalimin e Kokëdhimës që pa LSI nuk ka të ardhme, ky është një gabim i madh, PS ka të ardhme të jashtëzakonshme pa LSI. PS duhet të gjej vetveten dhe të garojë e vetme”.
