Deputeti Eduart Ndocaj ka reaguar çuditshëm në Parlament pasi deklaroi se PD po tenton të përdorë imazhin e tij për protesta.
“Me datën tetë dhjetor festohet 25-vjetori i ardhjes së demokracisë dhe është një ditë e madhe, por nuk është ditë që duhet të dalim e të protestojmë dhe të përdoret imazhi im. Partia Demokratike të përdorë imazhin tim nëpër faqebuqe për të kërkuar të protestojë përpara Kryeministrisë” – tha Ndocaj teksa shtoi se përdorimi i imazhit të tij në fushatën e PDsë bëhet për faktin se ai është tashmë një figurë popullore, por paralajmëroi se kjo mënyrë e ndjekur nga të djathtët do të çojë në dështimin e protestës.
“Kjo është totalisht një dështim nëse Partia Demokratike do përdorë imazhin tim sepse jam kaq popullor dhe kaq pozitiv në këtë Parlament sa do ju dështojë totalisht. Por jam i bindur se jeni në kërkim të një lideri dhe s’do jem unë ai” – deklaroi ai.
