Në deklaratën e tij të parë si deputet i Parlamentit Eduart Ndocaj tha se dita e parë e parlamentit iu duk si dita e parë e shkollës.
“Dita e parë është interesante, si dita e parë e shkollës. Por kalojmë më së miri. Momenti i betimit ishte emocionues, dhe të jesh pjesë e kësaj është emocionuese për çdo shqiptar. E sidomos kur vjen nga emigracionit. Dhe është hera e parë që dikush që vjen nga emigracioni merr pjesë. Unë isha i gjashti në radhe, dhe çështja e mandatit ka pasur historinë e vet”, tha Ndocaj.
Ndocaj ka komentuar edhe deklaratën e kreut të Partisë Demokristiane, Nard Ndoka, i cili pak ditë më parë tha se deputetët kësaj partie i bien nga qielli, duke e pasur fjalën për Ndocajn.
“Po e vërtetë është se unë me avion erdha”, iu përgjigj gazetarëve deputeti ‘kauboj”, i cili do jetë në radhët e PDKsë dhe do përfaqësojë elektoratin e qytetit të Lezhës.
