Ilir Hoxha, djali i ish-diktatorit Enver Hoxha dhe Nexhmije Hoxhës ka përcjellë një mesazh për mediat pak orë pas ndarjes nga jeta në moshën 99-vjeçare të nënës së tij.
Ai thotë se nëna e tij ia kushtoi gjithë jetën e saj lirisë së Atdheut dhe ndërtimit të Shqipërisë së re, perparimit dhe emancipimit të shoqërisë shqiptare, ndaj dhe do të ndjehen përherë krenarë për emrin dhe veprën e saj.
Nexhmije Hoxha do të përcillet nesër në banesën e fundit në varrezat e Sharrës, ndërsa pritja do të jetë në shtëpinë e familjes në Laprakë.
MESAZHI
Të nderuar miq e dashamires të familjes të Enver Hoxhes.
Me hidhërrim të thellë ju bej me dije, se sot më datë 26 shkurt 2020, në moshen 99-vjeçare u nda nga jeta nëna jonë, Nexhmije Hoxha.
Ajo gjithë jetën e saj ia kushtoi lirisë së Atdheut dhe ndertimit të Shqiperisë së re, perparimit dhe emancipimit të shoqërisë shqiptare, ndaj dhe ne do të ndjehemi perhere krenarë për emrin dhe veprën e saj.
Kujtimi i saj gjithmonë do të mbetet i paharruar për familjen tonë dhe të gjithë miqtë dhe dashamirësit e saj, në Shqiperi dhe kudo në botë.
Me respekt Ilir Hoxha
Tiranë 26 shkurt 2020
Shënim: Homazhet dhe percjellja për në varrezat e Sharrës do të behet nga Funeral Home Alba 2000 (prane Medresesë) nga ora 9 deri 12 të datës 27 shkurt
Në ditët pas varrimit, presim për ngushëllime në shtëpine tonë, në Laprakë (pranë sheshit Shqiponja). Jeni të mirëpritur. Faleminderit.
g.kosovari
Ndjeva pikëllim të madh, për vdekjen e lokemadhes, Nexhmije Hoxha!
Ngushëllime familjes së nderuar, Hoxha!
Ilir, Pranverë, dhimbjen kthejeni në forca dhe krenari për Nënën tuaj, HEROINË!
Lavdi Komandantit, strategut, Enver Hoxha!
I PËRJETSHËM NDË BREZNITË SHQIPTARE DO TË JETË KUJTIMI PËR UDHËHEQËSEN E LUFTËS ANTI-FASHISTE DHE GJATË EPOKËS SË BACË ENVERIT, PËR SHKENCËN DHE KULTURËN E KOMBIT TONË NË VITET E SOCIALIZMIT NGADHNJIMTAR!
LAVDI HEROINËS SË KOMBIT SHQIPTAR, NEXHMIJE HOXHA!
26 Shkurt, 2020