E gjithë bota ka kthyer vëmendjen nga Katari ku po zhvillohet finalja e Botërorit, ndërkohë që atmosfera është edhe e ndezur edhe në sheshin “Skënderbej”.
Raportohet se situata është e zjarrtë, ndërkohë që shumica e të pranishmëve në shesh janë me Argjentinën.
Ovacionet dhe reagimi kanë qenë të mëdha, në dy momentet kur Argjentina ka shënuar.
Në sheshin ‘Skëndërbej’ ishte edhe kryebashkiaku Erion Veliaj, i cili tha se është tifoz i Anglisë, por në mungesë të saj, fitoren ia uron Argjentinës.
Por pavarësisht rezultatit, Veliaj tha se sot kampione është Tirana, e cila e mbushur plot me tifozë do të përfitojë të ardhura të larta ekonomike.
“Hotelet në Tiranë janë plot bashkë me bizneset në Tiranë, kështu që kushdo që të fitojë sot Tirana ka një bilanc të majmë fitimi. Me kë keni bërë tifozllëk? Unë kam qenë historikisht me Anglinë, por këto kohë nuk pati performancën më të mirë. Por sot Tirana është pranverë dhe po e shijojnë të gjithë”, tha Veliaj.
/e.d
