Gjatë takimit me gazetarët në ambientet e Ambasadës Amerikane në Tiranë që zgjati përreth një orë, Palmer ka folur edhe për influencën ruse në vendin tonë.
“Shqipëria është target i vështirë për Rusinë. Amerika kërkon bashkëpunim mes vendeve dhe transparencë, ndërsa Rusia kërkon kaos dhe një situatë jo bashkëpunuese. Ne duam të ardhme për vendin“, tha Palmer.
Në lidhje me lobimin e Partisë Demokratike kundër emërimit të ambasadores së SHBA-së Kathleen Ann Kavalec, Palmer tha se lobimi është legjitim vetëm nëse është brenda rregullave. Ai theksoi se kjo çështje po hetohet, por shtoi se shumë shpejt Tirana zyrtare do të ketë së shpejti emrin e kryediplomatit të ri amerikan.
“Senati amerikan nuk është se e ka rrëzuar emërimin e Kavalec. Lobimi është normal ose legjitim përsa kohë është brenda rregullave dhe transparent dhe i qartë. Është një çështje që është duke u hetuar dhe nuk mund të japë detaje në lidhje me të”, tha Palmer.
Pyetur në lidhje me marrëdhëniet Kosovë-Serbi, Palmer tha se mbështet një marrëveshje mes dy vendeve, përsakohë “ato bien dakord për një pak ku tregohen interesat e dy vendeve”.
“Çështja e Kufijve jo në qendër të kësaj marrëveshjeje”, tha Palmer.
g.kosovari
