Guvernatori i Bankës së Shqipërisë, Gent Sejko priti përfaqësues të Bankës Botërore dhe Korporatës Financiare Ndërkombëtare.
Në takim Sejko u shpreh se ekonomia shqiptare dhe treguesit kryesorë të stabilitetit ekonomik, monetar dhe financiar janë në një trend pozitiv zhvillimi.
Megjithatë Guvernatori u shpreh se ekonomia mbetet e ndikuar nga pasiguria në kontekstin botëror.
Rritja e çmimeve të naftës dhe të energjisë në tregjet botërore mund të ndikojë në nivelet e inflacionit dhe ritmit të rritjes ekonomike në vend.
Gjithsesi Sejko u shpreh se efektet e goditjes pritet të jenë kalimtare dhe të mos lënë gjurmë afatgjata në trendet e zhvillimit të vendit.
