Pas ekstradimit të vrasësit të Ardian Nikulajt, Ruben Saraiva, Ministri i Brendshëm Taulant Balla priti në një takim Ambasadorin e Mbretërisë së Marokut, Youssef Balla.
Përmes një postimi në rrjetet sociale ministri Balla thekson se ky takim vjen pas një akti konkret bashkëpunimi të autoriteteve të Marokut, të cilët lehtësuan ekstradimin e një Saraiva-s, pavarësisht mungesës së një marrëveshjeje të nënshkruar mes dy vendeve. Kjo sipas tij ka shërbyer si një eksperiencë për ekstradimin e kriminelëve, ndonëse nuk kishte një marrëveshje.
“Mirëprita Ambasadorin e Mbretërisë së Marokut Youssef Balla, me të cilin diskutuan mbi forcimin e bashkëpunimit mes agjencive ligjzbatuese të dy vendeve tona në luftën e përbashkët kundër krimit të organizuar, migracionit të paligjshëm apo terrorizmit. Pak ditë më parë realizuam ekstradimin e një personi të shumëkërkuar nga Maroku, edhe pse me Mbretërinë e Marokut nuk e kishim një marrëveshje ekstradimi, duke na ka krijuar tashmë eksperiencën por edhe besimin të vijojmë përpjekjet tona për t’i dhënë fund pandëshkueshmërisë ndaj personave që fshihen në vende të tjera”, shkruan Balla.
/f.s
