Gjon Junçaj, prokurori federal amerikan me origjinë shqiptare, njofton se është tërhequr nga shërbimi publik pas 24 vitesh. Departamenti i Drejtësisë në SHBA e ka emëruar atë për t’i shërbyer popullit amerikan si prokuror federal, prokuror civil dhe si diplomat.
Gjon Junçaj ka qenë më herët në Shqipëri dhe ka ndihmuar në kryerjen e reformës në drejtësi. Ai ka pasur dhe një “zyrë” në Prokurorinë për Krimet e Rënda, ku ka asistuar kolegët shqiptarë që të luftojnë krimin dhe korrupsionin në nivele të larta.
“Për gati 24 vjet, Departamenti i Drejtësisë më dha mundësinë dhe nderin për t’i shërbyer popullit të Shteteve të Bashkuara. Kam shërbyer në shumë role dhe në shumë vende. Qoftë prokuror federal në Detroit, prokuror i gjykimeve civile në DC, apo diplomat amerikan jashtë vendit, bëra çmos për të mishëruar vlerat institucionale të Departamentit të Drejtësisë, ndër të cilat janë ndershmëria, integriteti, respekti dhe përsosmëria.
Gjithashtu, isha gjithmonë krenar për atë për të cilin e bëja punën dhe veçanërisht krenar për atë me të cilin e bëja punën. Për të gjithë partnerët e mi federalë, shtetërorë dhe ndërkombëtarë: Faleminderit për mbështetjen dhe frymëzimin tuaj gjatë viteve. Shpresoj se do të vazhdoni të gjeni të njëjtën gjë tek njëri-tjetri.
Së fundmi, megjithëse po pensionohem nga Departamenti i Drejtësisë, jam i emocionuar që t’i çoj vlerat dhe përvojat e mia përpara në kapitullin tjetër të karrierës sime. Shikoj prapa me krenari për atë që kam ndihmuar të arrihet dhe pres me optimizëm për atë që më pret”, shkruan prokurori Gjon Junçaj.
