Specialistët e Hetimit të Krimeve në Fier arrestuan në flagrancë N.K., 64 vjeç, banues në Frakull të Vogël.
Ai dyshohet se ka ndezur zjarr në tokën e tij për djegien e mbeturinave, duke shkaktuar përhapjen e flakëve dhe djegien e 225 rrënjëve ulliri në pronësi të një personi tjetër.
Materialet procedurale janë referuar Prokurorisë së Fierit për veprime të mëtejshme.
Policia e Fierit apelon që të mos ndizen zjarre nga pakujdesia ose me qëllim, duke paralajmëruar masa ligjore, dhe fton qytetarët të denoncojnë çdo veprim të paligjshëm në numrin 112, duke garantuar anonimat dhe reagim të shpejtë.
